*Mira Road Knife Attack: 2 Security Guards Par Hamla Karne Wala Zaib Zubair Ansari ATS Custody Me, Radicalisation Angle Ki Jaanch.*
Mira Road Knife Attack: 2 Security Guards Par Hamla Karne Wala Zaib Zubair Ansari ATS Custody Me, Radicalisation Angle Ki Jaanch
View this post on Instagram
Mumbai ke Mira Road ke Naya Nagar area me ek under-construction building par security duty kar rahe do guards par knife se hamla karne ke maamle me police ne 31 saal ke Zaib Zubair Ansari ko giraftar kiya hai. Police ke mutabik accused ne pehle guards se unka religion pucha aur “kalma” padhne ko kaha, aur mana karne par unpar chaku se hamla kar diya, jisme ek guard gambhir roop se zakhmi ho gaya. Is ghatna ke baad Mira-Bhayandar Police ne use turant arrest kar liya aur ab case ki jaanch Maharashtra ATS (Anti-Terrorism Squad) kar rahi hai.
Mili Jaankari ke mutabik Zaib Zubair Ansari ek US-returned science graduate hai aur usne kuch samay tak science,Math aur chemistry padhane ka kaam bhi kiya tha.
Agencies ko us ke ghar se ISIS aur “lone-wolf attack” se judi notes aur online search history bhi mili hai, jiske baad radicalisation ka angle investigate kiya ja raha hai.
Batadein ki “Lone-wolf attack” ka Matlab ek akela attacker jo khud se radical ya motivate hokar hamla kare, kisi bade terrorist group ki direct team ke saath nahi.
Court ne use ATS custody me 4 May tak bhej diya hai, jahan Zaib Ansari s pooch-taach chal rahi hai.
lekin agencies ne abhi tak kai aham baaton par final taur par koi public confirmation nahi diya hai.
Media reports me kaha gaya hai ki accused Zaib Zubair Ansari ke paas se “lone-wolf attack” se judi kuch notes milne ki baat saamne aayi hai, lekin in notes ko abhi tak publicly jari nahi kiya gaya aur na hi unke poore saboot detail me share kiye gaye hain. Iske saath hi ye bhi abhi clear nahi hua hai ki accused ki mansik halat theek thi ya nahi, ya phir usne ye kadam kisi mental problem ki wajah se uthaya ya khud se planning karke attack kiya. Agencies filhal in sab angles par investigation kar rahi hain.
Aap ko batadein ki,
Police aur investigation agencies ab ye pata lagane ki koshish kar rahi hain ki kya accused khud se radicalise hua tha ya kisi network se prabhavit tha.
dosto, rediclise yaani Kisi insaan ka dheere-dheere kisi extreme ya kathor soch / ideology se itna zayada prabhavit ho jana ki wo violence ya illegal kaam ko bhi sahi samajhne lage.
Filhal area me situation normal batayi ja rahi hai aur security badha di gayi hai.
*Aap apne comments hamein zarur kijiye aur more updates k liye Galli news par bane rahiye.*
