Mumbai Crime Branch Ki Badi Karwai: ₹115 Crore Ka MD (Mephedrone) Drug Factory Dhvast, 7.5 Kg Solid aur 38 Kg Liquid MD Zapt

Mumbai Crime Branch Ki Badi Karwai: ₹115 Crore Ka MD (Mephedrone) Drug Factory Dhvast, 7.5 Kg Solid aur 38 Kg Liquid MD Zapt

Crime Branch, Unit–7 ne ek badi anti-narcotics karwai karte hue MD (Mephedrone) banane ke factory ko ujad diya. Is action mein 7.5 kilo solid MD, 38 kilo liquid MD, aur drugs banane ke liye istemal hone wala raw material zapt kiya gaya hai. Zapt kiye gaye maal ki total estimated value ₹115 crore batayi ja rahi hai.

 

View this post on Instagram

 

A post shared by Gallinews India (@gallinews_com)

09/10/2025 ko Mulund West, Mumbai se do aaropiyon ke paas se 136 gram MD (Mephedrone) zapt kiya gaya tha. Is maamle mein V.P. Police Station Ne NDPS Act ke sections 8(c), 22(c), 29 ke tahat case darj kiya gaya.

Aage ki jaanch mein pata chala ki Ghodbunder Road (Thane) mein rehne wala ek aaropi, Pune ke ek vyakti se MD hasil karta tha. Aaropi ke bayan par pata chala ki drugs Santosa Hotel, Ravet, Pune ke saamne supply ki ja rahi thi.

Pune se pakde gaye aaropiyon se poochtaach ke dauran pata chala ki woh apne 3 saathiyon ke saath Satara district ke ek gaon mein MD bana rahe the.

Yeh safal operation Mumbai Police Commissioner Shri Deven Bharti, Special CP (Crime) Shri Lakhmi Gautam, Additional CP (Crime) Shri Shailesh Balkawade, DCP (Detection) Shri Raj Tilak Roushan ke guidance mein anjaam diya gaya.

Operation ko Senior PI Atmaji Sawant (Unit–7) ke leadership mein, PI Arun Thorat, API Shrikant Karkar, API Suhas Kharmate, API Amol Mali, API Ramdas Kadam, PSI Swapnil Kale, PSI Mahesh Shelar aur unki team ne successfully conduct kiya.