Mumbai Local Train Mein Mahilaon Ke Chupke Se Videos Banakar AI Se Nude Photos Banane Wala Aaropi Arrest,
Mumbai Crime Branch ki South Cyber Police ne local train mein mahilaon ke chupke se videos banakar AI ki madad se unhe nude aur semi-nude images mein convert karke Instagram par viral karne wale 31 saal ke aaropi ko arrest kiya hai.
Police ke mutabik, 22 June 2026 ko Churchgate se Virar fast local mein travel kar rahi 19 saal ki college student aur uski friend ka ek unknown shakhs ne bina permission video record kiya tha aur Instagram ID par Nude AI Pic Upload kiya tha
Victim ki complaint par 19 October ko South Cyber Police Station mein case register kiya gaya.
Technical investigation ke zariye police ne aaropi Mohammed Sabir Mohammed Rustam (31) ko arrest kiya, jo Vasai East mein rehta hai aur asal mein Meerut, Uttar Pradesh ka rehne wala hai.
Police investigation mein saamne aaya ki aaropi “Playboy” naam se fake Instagram account chala raha tha.
Police ke mutabik, aaropi ke mobile mein kai mahilaon ke bina permission liye gaye photos aur videos mile, jinhe AI applications se morph karke Instagram par views ke liye upload kiya jaata tha.
Police ne aaropi ka OPPO mobile phone zabt kar liya hai.
Yeh karwai Mumbai Police Commissioner Deven Bharti aur senior officers ki guidance mein Senior Police Inspector Nandkumar Gopale ki team ne ki.
Mumbai Police ne citizens se appeal ki hai ki AI-morphed ya objectionable photos aur videos ko share na karein aur aise cases ki complaint Cyber Helpline 1930 ya cybercrime.gov.in par karein.
