Mumbra Train Accident: Railway Minister ka aaya Bayan,non AC train m lagaye jaye ge automatic darwaze.
9 June 2025 ko subah karib 9:30 baje k ass pass Mumbai ke Mumbra railway station ke paas ek bada train accident hua, jismein 5 logon ki maut ho gayi aur 9 log ghayal ho gaye. Yeh haadsa Diva aur Mumbra stations ke beech hua, jab do fast local trains opposite directions mein ek doosre ke paas se guzri.
View this post on Instagram
Overcrowding ke wajah se footboard par khade passengers ka balance bigda, aur kuch log train se gir gaye.
Ek eyewitness ne bataya ki shayad ek train ke passenger ka bag doosri train ke passengers se takraya, jisse yeh haadsa hua.
Ab dosto is hadse k baad,
Railway Minister Ashwini Vaishnaw ne turant action liya. Unhone Railway Board aur Integral Coach Factory ke officials ke saath meeting ki aur Mumbai ke suburban trains mein safety badhane ke liye naye measures announce kiye.
Railway Board k information and publicity k excutive director Dilip Kumar ne iske jawab mein announce kiya hai ki Mumbai Suburban ke naye non-AC trains mein automatic door closure facilities lagayi jayengi, aur existing rakes ko bhi redesign kiya jayega. Yeh naye trains January 2026 tak aane ki ummeed hai.
Activists aur politicians ne bhi demand ki hai ki Diva se originate hone wali trains badhayi jayen taaki Thane-Diva corridor par bheed kam ho.
Yeh haadsa ek reminder hai ki Mumbai ke local train system mein safety aur infrastructure ke liye aur kaam karna zaroori hai.
Aap apne comments hamein zarur kijiye aur more updates k liye Galli news par bane rahiye.
