Muslim Students Ko Delhi Ki Ek School Mein Bhi Teacher Ne Dharam Par Tipani Ki
Teacher ne Muslim students per nishana sadhte hue kahan ki,” Musalman Bhartiya nahin hai unhone swatantrata Sangram mein bhag nahin liya.”
parents ke objection lene ke bad FIR darj ki gai
GALLINEWS SHORTS PRESS LINK
Up ke Muzaffarnagar ke bad ab National Capital Delhi me bhi Dharm ke Aadhar per Muslim Students ko nishane per lene ka mamla samne aaya hua hai.
Ek sarkari school ke teacher ne Muslim students ke sath na sirf dharm ke Aadhar per offensive behavior balki unki dharmik Aastha ka apman kar unhen videshi kahkar sambodhit Kiya.
Yah ghatna South Delhi ke Gandhinagar vidhansabha Kshetra ke Kailash Nagar sthit sarvoday Bal vidyalay mein Hui hai.
Yah mamla 23 August ka hai students ke anusar Chandrayan 3 ki Safal landing ke jasn ke mauke per school teacher Hema Gulati ne Muslim students ko Dharm ke Aadhar per Nishan banaya.
Is teacher ne Islam ke bare mein galat baten kahin aur kahan ki,” aap Musalman hi nahin hai, aap Bhartiya nahin hai, aap logon ne azadi ki ladai mein koi sath nahin diya tum log kurta purvak pashuon ka vadh karte ho.”
Student ke pita ne narajagi aur gusse ka izhaar karte hue kahan ki,” Ham Apne bacche ko ek achcha Insan banane aur unka bhavishya sawarne ke liye school bhejte Hain, agar school mein teacher hi is tarah ki Shiksha denge to bacche ke bhavishya ka kya hoga.”
Shahdara DCP Rohit Meena ne samvaddataon ko bataya ki teacher ke khilaf mamla darj Kiya gaya hai aur police mamle ki jaanch kar rahi hai.”
Vahi jamiyat ulama Delhi ke adhyaksh Maulana Abid Kasmi ne bhi is mamle per gehri chinta vyakt karte hue shikshak ki girftari ki mang ki hai