Nerul Flyover Karant Hadse Ke Baad Executive Engineer Suspend, 2 Students Hue The Zakhmi
Navi Mumbai Municipal Corporation (NMMC) ne Nerul LP Flyover ke neeche hue electric shock incident ke baad Executive Engineer (Electrical) Pravin Hindurao Gade ko turant prabhav se suspend kar diya hai. Preliminary inquiry mein unki prima facie negligence saamne aane ke baad yeh karwai ki gayi.
1 July ko Nerul LP Flyover ke neeche baarish ka paani jama tha. Isi dauran do students paani se guzarte waqt electric shock ka shikaar ho gayin. Investigation mein saamne aaya ki ek live electricity cable ka contact jama hue baarish ke paani se ho gaya tha, jisse paani mein current fail gaya.
Dono ladkiyon ko pehle Nerul ke D.Y. Patil Hospital le jaya gaya aur baad mein specialised treatment ke liye Vashi ke Fortis Hospital shift kiya gaya.
