New Year Ke Mauqe Par BEST Chalayegi Extra Busses, Mumbai Ke Famous Beaches Aur Gateway Of India Ke Pass
Aaj 31st Night Celebration Ke Mauqe Par Mumbai Me Kuch Jagha Par Badi Tadaad Me Log Jama Hote Hain Aur Naye Saal Ka Wellcome Karte Hain. Isse Dekhte Hue BEST Ne Extra Busses Chalane Ka Ailan Kiya Hai.
View this post on Instagram
BEST Ne Monday Ko Press Release Jaari Kar Jankari Diya Hai Ke Gateway Of India, Juhu Chowpatty, Gorai Beach, Marve Beach Aur Dusre Beaches Ke Pass Extra Busses Chalayi Jaayengi.
Sath Hi Bataya Gaya Hai Ke Dr. Shyamaprasad Mukherjee Chowk, Juhu Chowpatty, Gorai Beach, Churchgate Station (East), Aur Chhatrapati Shivaji Maharaj Terminus Jaise Areas Ke Pass BEST Zyada Traffic Officers Aur Bus Inspectors Ko Tainat Karegi Jo Passengers Ko Assist Karenge.
BEST Ne Yeh Bhi Bataya Ke South Mumbai Ke Alag Alag Historical Aur Tourist Places Dekhne Ke Liye Chalayi Jaane Wali Heritage Buses Me Nayi Air Conditioned Double Decker Electric Buses Aaj 31st December Ko Subha 10 Se Raat 3 Baje Tak Chalayi Jaayengi.
Iss Heritage Buses Ka Upper Deck Ka Rs. 150/- Each Aur Lower Deck Ka Rs. 75/- Each Ticket Hoga.