Parsi Dairy Farm Ka Licence Suspend! FDA Inspection Mein Safai Aur Food Safety Ki Gambhir Khamiyan Aayi Samne

Parsi Dairy Farm Ka Licence Suspend! FDA Inspection Mein Safai Aur Food Safety Ki Gambhir Khamiyan Aayi Samne

(FDA) ne Mumbai ke mashhoor Parsi Dairy Farm Pvt. Ltd. ka FSSAI licence suspend kar diya hai. Marine Lines ke Princess Street, Kalbadevi sthit dairy unit mein inspection ke dauran food safety aur hygiene se judi kai gambhir khamiyan payi gayi.

Jaanch ke dauran raw milk reception ke liye surakshit dock ka abhav, production aur storage area ki diwaron par fungus, raw material ko seedha zameen par rakhna, production section mein gandagi, makkhiyon ki bharmaar, insects aur rodents ko rokne ke liye protective mesh ka na hona, Effluent Treatment Plant (ETP) ka abhav, employees ke medical records adhure hona aur safety footwear ki kami jaise kai gambhir mudde saamne aaye.

FDA ne yeh bhi paya ki kai food products par “Best Before”, “Use By” aur “Date of Expiry” jaise anivarya labels maujood nahi the. Saath hi vehicle cleaning records bhi uplabdh nahi karaye gaye.

In gambhir khamiyon ko dekhte hue FDA ne consumer safety ko dhyan mein rakhkar Parsi Dairy Farm ka licence turant suspend kar diya hai.

Kuch hi din pehle Bhendi Bazar ke 3 Badeh Resturant Shalimar, Noormohmaddi aur Rehmania ka bhi FDA Ne license Suspend kiya tha