PM Modi ki lagatar kadi Alochna karne waale ex-IPS officer Sanjeev Bhatt Hirasat me
Social Media par BJP aur PM Narendra Modi ki alochna karne waale aur 2002 Gujarat dango ke liye PM Modi ke khilaaf Supreme Court me guhaar lagane waale, ex-IPS officer Sanjeev Bhatt ko Aaj Gujarat CID ne Giraftar kar liya hai.
DGP, CID Ashish Bhatia ne media karmiyo se Bhatt aur 6 anya logo ki giraftar ki pushti ki. Bataya jaa raha hai ki, 22 saal purane ek narcotics case me Gujarat HC ke order ke baad inhe hirasat me liya gaya.
Gujarat cadre 1998 batch ke IPS officer hai Bhatt. Saal 2011 me Narendra Modi ke khilaaf SC me affidavit dayar ki thi, jisme Bhatt ne Modi ko dango ka aaropi bataya tha. Bhatt ke mutabik wo us meeting me maujud they, jisme Modi ne kaha tha ki 'Hinduo ko badlaa lene ka mauka diya jana chahiye.' August 2015 me MHA ne Bhatt ko 'duty se absent' rehne ki wajah se barkhast kar diya tha.
Social Media par Bhatt Ki lokpriyata is kadar hai ki, Twitter par unke 3.83 lakh followers hai aur Facebook par 1.71 lakh followers.
Report for Gallinews.com by Sher M. Khan.
Please Subscribe Gallinews New YouTube Channel and
Press Bell Icon to get Regular Update Press Link & Subscribe
