Private Offices Ko Work From Home Ki Salah, Non-Essential Government Offices Half Day Rahenge
Mumbai mein lagataar ho rahi musaladhar barish aur Red Alert ke beech Maharashtra State Disaster Management Authority (SDMA) ne nayi advisory jaari ki hai.
SDMA ne private offices ko salah di hai ki jahan mumkin ho, employees ko Work From Home (WFH) ki permission di jaye. Saath hi non-essential government aur semi-government offices mein aaj half-day rakha gaya hai. Essential services par yeh advisory lagu nahi hogi.
Authorities ne logon se appeal ki hai ki bina zarurat ghar se bahar na niklein, unnecessary travel avoid karein aur sirf official weather aur traffic advisories ko follow karein. Mumbai aur aas-paas ke ilaakon mein tez barish ke chalte road, rail aur air traffic par bhi asar dekhne ko mil raha hai
