Pune Bonnet Parade Case: Human Rights Commission Ne Liya Suo Motu Action, Senior Police Officials Ko Notice.

Pune Bonnet Parade Case: Human Rights Commission Ne Liya Suo Motu Action, Senior Police Officials Ko Notice.

Pune ke Bonnet Parade Case mein Maharashtra State Human Rights Commission (MSHRC) ne suo motu cognisance lete hue senior police adhikariyon ko notice jaari kiya hai aur mamle ki preliminary inquiry ka order diya hai.

Commission ne kaha ki social media par viral videos mein murder case ke 3 aaropiyon ko police gaadi ke bonnet se baandh kar sadkon par ghumaya gaya, unse ghutnon ke bal chalwaya gaya aur public ke saamne unki beizzati ki gayi.

Batadein ki Agar ye videos sahi paaye jaate hain, to ye Article 21 ke tahat milne wale jeevan aur garima ke adhikar, kanooni suraksha aur Supreme Court ke guidelines ka prima facie ullanghan ho sakta hai.

Commission ne Maharashtra ke Chief Secretary, DGP, Pune Police Commissioner Amitesh Kumar,

DCP (Zone III) Milind Mohite aur Bharti Vidyapeeth Police Station ke Senior Inspector Mansingh Patil ko notice bhejkar jawab maanga hai. Saath hi Special IG ke netritva mein fact-finding inquiry bhi shuru kar di gayi hai.