Purnia, Bihar: Jadu-Tona ke Shak Mein Ek Hi Parivaar ke 5 Logon Ka Qatl, NHRC Ne Bihar Sarkar Ko Bheja Notice.
Purnia, Bihar: Jadu-Tona ke Shak Mein Ek Hi Parivaar ke 5 Logon Ka Qatl, NHRC Ne Bihar Sarkar Ko Bheja Notice.
Bihar ke Purnia district ke Tetgama gaon mein 6 July 2025 ki raat ek hi parivaar ke 5 logon ko jadu-tona ke shak mein zinda jala kar maar diya gaya. Marne walon mein 3 mahilayein, 1 purush aur 1 12 saal ka bachcha shamil tha. Ek 16 saal ka ladka is hamle se bach gaya, jo ab is ghatna ka eklauta gawah hai. Usne bataya ki log uski maa par ‘dayan’ hone ka ilzaam lagakar unke parivaar ko maarna chahte the.
Is dardnaak haadse ke baad, National Human Rights Commission (NHRC) ne 16 July ko suo moto action lete hue Bihar ke Chief Secretary aur DGP ko notice bheja hai. NHRC ne 2 hafton ke andar is ghatna ki detailed report mangi hai. Saath hi survivor ladke ke liye security, counselling aur legal help ki bhi demand ki gayi hai.
Ab tak police ne 3 logon ko arrest kiya hai, lekin NHRC ka kehna hai ki is jaise cases mein sarkar ko turant aur sakht action lena chahiye, kyunki yeh ek serious human rights violation hai. Survivor ab police protection mein hai, lekin uski mental condition bhi bahut nazuk hai.
Is puri report per apne comments hamein zarur kijiye aur more updates k liye Galli news par bane rahiye.
