Rajpal Yadav Ko Cheque Bounce Case Mein 3 Mahine Ki Jail
Bollywood actor Rajpal Yadav ko Delhi High Court se bada jhatka laga hai. Court ne multiple cheque bounce cases mein unki conviction ko barkarar rakhte hue 3 mahine ki simple imprisonment ki saza sunayi hai.
Justice Swarana Kanta Sharma ki bench ne trial court ke faisle ko uphold karte hue Rajpal Yadav ki revision petitions kharij kar di. Court ne unhe saat alag-alag cheque bounce cases mein 3-3 mahine ki saza sunayi hai. Halaanki, sabhi sazayein saath-saath (concurrently) chalengi, isliye unhe alag-alag jail terms nahi kaatni hongi.
High Court ne Rajpal Yadav ko har case mein ₹1.05 crore ka payment karne ka bhi nirdesh diya. Ismein se ₹1.0475 crore complainant ko aur ₹25,000 State ko dene honge. Court ne unki patni Radha Yadav ko bhi har case mein ₹5.51 lakh complainant ko dene ka order diya hai
