Sakinaka Mein Open Manhole Mein Girne Se Ek Vyakti Ki Maut
Mumbai mein lagataar ho rahi tez baarish ke beech Sakinaka area se ek dardnaak ghatna saamne aayi hai. Ek khule manhole mein girne ke baad kareeb 45 saal ke vyakti ki maut ho gayi.
Shuruaat mein ghatnasthal par sirf vyakti ki chhatri aur chappal mili thi, jiske baad rescue teams ne search operation shuru kiya. Kaafi talaash ke baad vyakti ka shav baramad kiya gaya.
