Sanjay Raut ne ‘Operation Sindoor’ ko bataya failure, BJP aur allies ne kiya kada virodh
Sanjay Raut ne ‘Operation Sindoor’ ko bataya failure, BJP aur allies ne kiya kada virodh
Operation Sindoor ke baare mein kaha ja raha hai ki maine bola ke yeh operation fail ho gaya hai – lekin maine kab aisa bola? Jo fail hua hai, woh inki politics hai, Operation nahi.
Operation Sindoor hamare Bharat ke jawano ki shaurya gatha hai, unki himmat ki misaal hai. Lekin BJP aur unke saathi is par bhi raajniti kar rahe hain. Maine yeh baat all-party meeting mein openly boli thi – Home Minister Amit Shah aur Defence Minister dono wahan baithe the.
Maine poocha tha – un 6 aatankwadiyon ka kya jo ab tak pakde nahi gaye? Jab tak unhein dhoond ke India Gate ke saamne pehchaan nahi karwaate, tab tak Operation Sindoor adhura hai. Aur agar sach mein Operation poora karna hai, toh unka encounter karo. Tab jaake yeh Operation complete mana jayega.
Sanjay Raut ne ‘Operation Sindoor’ ko bataya failure, BJP aur allies ne kiya kada virodh
Read Full News on Gallinews Website: https://t.co/r5nsZObeFj pic.twitter.com/a69VzMrgqP
— Gallinews.com (@gallinews) May 27, 2025
Agar maine yeh kaha toh BJP ko mirchi kyun lag rahi hai? Jo confusion logon mein phail raha hai, woh BJP ki wajah se hai. Galtiyaan inhone ki, lekin chhupane ke liye Sindoor Yatra nikaal rahe hain. Desh ke naam pe tamasha ho raha hai.
Modi ji ne khud kaha tha – iss issue par raajniti mat karo. Rahul Gandhi, Kharge ji, Uddhav Thackeray – sab maan gaye. Lekin raajniti kaun kar raha hai? Modi ji aur Amit Shah.
Main aaj bhi apne uss bayan par hoon – Home Minister ko resign karna chahiye. 26 log mare – yeh unki ministry ka failure hai. Jawaab toh dena padega.
Amit Shah bataaye – woh 6 aatankwadi gayab kahan ho gaye? Zameen mein ghus gaye ya BJP mein ghus gaye? Waise bhi, zyada tar aise log BJP mein hi milte hain. Kya chhupa rahe ho?
Amit Shah resign karo. Sab opposition leaders ko bhi maang karni chahiye. Rahul Gandhi, Kharge ji – sabko sawal uthana chahiye.
Hum desh ke sath hain, sena ke sath hain – lekin Home Minister ke jhooth aur failure ke saath nahi.
Aur rahi baat Mumbai ki meeting ki – Amit Shah, Devendra Fadnavis, Eknath Shinde, Ajit Pawar – yeh sab ek hi team hain. Shiv Sena ko BJP ka puppet bana diya gaya hai. Amit Shah hi sabka remote control chala rahe hain.
Agar yeh asli Shiv Sena hoti, Bala Saheb Thackeray ki Shiv Sena – toh kabhi Amit Shah se is tarah baat na karti. Lekin ab yeh log sirf Amit Shah ke Charan Das ban gaye hain.
Aur Modi ji – jawanon ka kaam army karti hai, aap nahi. Aap Gujarat mein poster laga ke khud ko sena ka hero dikhane ki koshish kar rahe ho. Yeh bhi ek tarah ki beizzati hai sena ke liye.
Pawar sahab se mera nivedan hai – yeh sab Modi ji ko boliye. Hamare jawano ko politics mein mat ghasitiyega.
Aaj ke Defence Minister bhi keh rahe hain – “Operation Sindoor par sawal mat uthao.” Lekin sawal uthana hamara haq hai – kyunki 26 maa-behnon ka sindoor chheen gaya tha Pahalgam mein.
Aaj bhi unke killers zinda hain, aur unka koi pata nahi. Desh ke Home Minister Amit Shah ko iske liye zimmedar maana chahiye.
Jo bhi opposition mein hai, chahe woh Shiv Sena ho ya koi aur, sabko sach bolna chahiye. Dilli mein baithe log sach se bach nahi sakte. Aapne kya kiya us raat? Kaun the woh 6 log? Pakistan ke the ya aapke the? India Gate ke saamne laake jawab do.
Aur BJP ke log – har baat mein politics ghusa dete ho. Yeh army ka kaam hai, tumhara nahi.
Aur haan – Mumbai ki zubaan Marathi hai. Agar yahan Gujarati program hota hai, toh bhi Marathi mein baat karo. Yeh Maharashtra ki rajdhani hai. Marathi ka sammaan karo.
