*Saudi Arabia: Ab agle 25 saal tak Hajj sakht garmiyon mein nahi padega.*
View this post on Instagram
Saudi Arabia ke National Center for Meteorology (NCM) ke mutabiq Islamic lunar calendar ki wajah se Hajj ka season dheere-dheere thande mausamon ki taraf shift ho raha hai.
NCM ke spokesperson Hussein Al-Qahtani ne bataya ki ab agle taqreeban 25 saal tak Hajj sakht garmiyon ke mausam mein nahi padega.
Reports ke mutabiq aane wale kuch saalon tak Hajj bahar (spring) ke mausam mein hoga, uske baad chand saal sardi (winter) aur phir khizan (autumn) ke dauran ada kiya jayega. Taqreeban 2050 ke aas-paas Hajj phir se garmiyon ke mausam mein aane ka imkaan hai.
Ye tabdeeli is liye hoti hai kyunki Hijri calendar solar calendar se taqreeban 10–11 din chhota hota hai, jis ki wajah se Hajj ki tareekhein har saal aage sarakti rehti hain.
*Aap apne comments hamein zarur batayein aur khabron ke liye Galli News par bane rahiye.*
