Senior Citizens Ko Baaton Mein Phansa Kar Sone Ke Dagine Churane Wale Gang Arrest, Navi Mumbai Police Ka Action
Rabale Police Station ne ek aise gang ko arrest kiya hai jo senior citizens ko baaton me phansa kar unke gold ornaments chura leta tha.
Police ke mutabik 24 December 2025 ko ek 59 saal ki mahila se 11 gram ke gold ornaments (₹1.54 lakh) ki chori hui thi. Accused ne mahila ko raste me rok kar bola ki “Sheth ke ghar ladka hua hai aur aage saree distribution ho raha hai”, aur baaton me uljha kar unse gold chain nikalwa kar chori kar li.
Investigation ke dauran police ne CCTV footage, technical analysis aur informers ki madad se accused ko pakda. Poochtaach me pata chala ki accused Mumbai, Thane aur Gujarat me bhi aise crimes kar chuke hain.
Arrested Accused:
Ashok Vitthal Kale (22) – Koparkhairane
Vishnu Shivaji Pawar (27) – Koparkhairane
Lakhan alias Kartik Kale (19) – Koparkhairane
