Singham Jaisi Filme Deti Hai Harmful Messages, High Court Ke Judge Ne Diya Byan
Bombay High court ke justice Gautam Patel ne shukrawar ko kahan ki Kanoon ki sahi process ki parvah kiye Bina hi turant hi Insaaf Dene Wale Ek “hero cop” ki Cinematic image, jaise ki Singham Jaisi blockbuster filmon mein dikhai jaati hai bahut hi harmful message deti hai.
GALLINEWS SHORTS PRESS LINK
Indian Police Foundation k annual day or police reform day par Aakhir Justice Gautam Patel ne Aisa kyon kaha??
Bombay High court ke justice Gautam Patel ne kaha ki jab public Aisa sochne lagti hai ki Adalat apna Kam nahin karti hai to police ke kadam uthane Ke bad public jashn manane lagti hai.
Police Reform ke bare mein unhone ek baat aur bhi Kahi ki police ki image dabang, corrupt or Gair jimmedaar ke taur per popular hai.
Vahi judge, political leaders aur journalist samet public life mein kisi ke bare mein esa nahin kaha ja sakta hai.
Police encounter ke bare mein bhi unhone Apne khyalat rakhe hain jismein unhone kaha ki jab bhi koi rape ka gunehgar police ke kahe mutabik bhaagane ki koshish karta hai aur encounter mein maara jata hai to log sochte Hain ki yah theek hua hai
sirf itna hi nahin balki log iska jashn bhi manate hain aur sochte Hain ki unhen Insaaf mil Gaya lekin Jara aap sochiye kya Insaaf mila hai?
Justice Patel ne kaha ki Aisa Approach hamari Popular culture, especially Indian cinema mein faila hua hai aur majbuti se reflected bhi hota hai.
Filmon mein police officer court per gunehgaron Ko riha kar Dene ka ilzaam lagate Hain, aur Hero police officer Akeli hi picture mein Insaaf karta hai.
Agar aapane Singham picture dekhi ho to iske climax scene mein dikhaya Gaya hai Jahan Puri police force Prakash Raj ke character Ke khilaf ek Ho jaati hai aur unhen lagta hai ki nyaay mil Gaya hai.
Shayad isi baat Ko najar mein rakhte hue Justice Patel ne kaha ki esa sandesh bahut hi khatarnak hai. Itna impatience kyon hai? Saccha Insaaf karne ke liye hamen Ek aisi process se pass hona padta hai Jahan ham begunah aur gunehgar ka faisla karte Hain.
Yah sari process slow hai aur yah process ko slow hona hi chahie main principles ki vajah se kisi bhi insaan ki azadi per kabja nahin kiya Jana chahie
Insaaf dene ke liye shortcut ki baat Ko lekar justice Patel ne kaha ki agar Insaaf Dene ki process ko shortcut banaa Diya jaaye to ham rule of law ko hi destroy kar denge.
Justice Patel ne kisi event ke dauran police kaarvayi aur Insaaf aadi per baat karte hue UP ke former Director General of Police Prakash Singh who salute karte hue kahan ki police reform ko real banane mein unke brave or confident koshish ke liye police system ke kamkaj ke tarikon mein badlav ki demand karte hue supreme court mein ek appeal dayar ki gai.
