Sirf WhatsApp Chat Ke Basis Par Divorce Nahi, Bombay High Court Ka Bada Faisla
Sirf WhatsApp Chat Ke Basis Par Divorce Nahi, Bombay High Court Ka Bada Faisla
View this post on Instagram
Bombay High Court ne ek mahatvapurn faisla dete hue kaha hai ki sirf WhatsApp chats ke basis par cruelty ka aarop laga kar divorce nahi diya ja sakta, jab tak doosre spouse ko apni baat rakhne ka mauka na diya jaye.
Yeh mamla Nashik ke Family Court ka hai, jahan ek pati ne cruelty ke aadhar par divorce ki arzi di thi. Court mein WhatsApp chat evidence ke taur par pesh ki gayi thi, jisme patni ne allegedly Nashik se Pune shift hone aur sasural walon ke khilaf comments kiye the.
Family Court ne May 2025 mein isi WhatsApp chat ko base bana kar pati ko divorce decree de di thi.
Baad mein patni ne is faisle ko challenge karte hue High Court ka darwaza khatkhataaya. Uska kehna tha ki Family Court ne bina usse sunne ka mauka diye ex-parte order pass kar diya.
High Court ki bench — Justices Bharati Dangre aur Manjusha Deshpande — ne kaha ki sirf WhatsApp chat ko evidence maan kar divorce dena sahi nahi hai, jab tak uski proper verification aur rebuttal ka mauka na diya jaye.
