100 Crore Ka “Maut Ka Pul”? ‘Hum Do Hamara Ek’ Bana Mira–Bhayandar Flyover, Kyun Uth Rahe Sawal?
100 Crore Ka “Maut Ka Pul”? ‘Hum Do Hamara Ek’ Bana Mira–Bhayandar Flyover, Kyun Uth Rahe Sawal?
View this post on Instagram
Mira Road mein lagbhag 100 crore rupaye ki lagat se bana Meera–Bhayandar Flyover ab tak controversy mein bana hua hai. 4 lane se achanak 2 lane ho jaane wale is flyover ki shikayat seedhe CM Devendra Fadnavis aur Deputy CM Eknath Shinde tak pahunch chuki hai.
Uddhav Thackeray group ke pravakta Anand Dubey ne is flyover ke design ko aam janta ki safety ke saath khilwaad bataya hai. CM ko likhe gaye letter mein unhone kaha ki flyover ka design achanak simit jaata hai, jiski wajah se future mein bade haadse ho sakte hain. Dubey ne sawal uthaya ki kya MMRDA ne bina proper planning ke yeh bridge bana diya?
Unhone maang ki hai ki MMRDA, contractor aur consulting company ke khilaaf serious investigation aur strict action liya jaana chahiye. Saath hi unhone is flyover ko “Maut Ka Bridge” bhi kaha.
MMRDA ke officials ka kehna hai ki Golden Nest Circle jaise busy junction par traffic manage karne ke liye Metro se connected 2+2 lane flyover banaya gaya hai. Dono taraf slip roads di gayi hain taaki traffic pressure kam ho.
