Taj Mahal Mein Qabron Par Gangajal Daala, 2 Hindu Mahasabha Se Jude Logon Ne, Arrested By CISF At Agra
World’s 7 Wonders Mein Se Ek Mana Jane Wala Hai, India Ke Agra Ka Iconic Taj Mahal Jiski Security Ke Liye Sarkar Ne CISF Tainat Kiya Hua Hai.
View this post on Instagram
Daily Hazaron Log Taj Mahal Ghumne Jaate Hain, Saturday 3 August Ko Taj Mahal Ghumne Gaye 2 Logon Ne Taj Mahal Mein Bani Qabron Par Bisleri Ki Water Bottle Mein Bhara Pani Daala Aur Davaa Kiya Ke Ganga Jal Chadaya Hai Jiska Video Social Media Par Viral Hone Laga.
Sath Hi Ek Photo Bhi Viral Hone Laga Jisme Taj Mahal Ki Wall Par Om Likha Hua Sticker Laga Hua Dikh Raha Hai.
Iss Mamle Mein CISF Ne Dono Logon Ko Pakda Aur Local Police Station Tajganj Ke Hawale Kiya.
Bataya Jaa Raha Hai Ke Pakde Gaye Dono Log Hindu Mahasabha Se Jude Hain Jinka Naam Shyam Aur Vinesh Kuntal Hai.
Hindu Mahasabha Ka Daava Hai Ke Taj Mahal Ek Hindu Temple Hai Jiska Naam Tejo Mahalaya Hai.
Police Investigation Jaari Hai.