Tiger Shroff Firing Case Mein Teeno Aaropiyon Ka Transit Remand Manzoor, Mumbai Police Aaropiyon Ko Lekar Mumbai Ravana
Bollywood actor Tiger Shroff firing case mein pakde gaye 3 aaropiyon ko Rajasthan ke Kota mein judge ke saamne pesh kiya gaya.
Iske baad teeno aaropiyon ka MBS Hospital mein medical examination karwaya gaya.
Additional SP Subhash Mishra ke mutabik, court ne teeno aaropiyon ka transit remand manzoor kar diya.
Jiske baad Mumbai Police ne teeno aaropiyon ko apni custody mein liya aur unhe lekar Mumbai ke liye ravana ho gayi.
Pakde gaye aaropiyon ki pehchaan 18 saal ke Rehan alias Chukka, jo Haryana ke Sonipat ka rehne wala hai, aur 22 saal ke Ritik Karmi alias Roshan Fighter, jo Bihar ka rehne wala hai aur filhaal Mumbai ke Andheri West mein rehta hai, ke taur par hui hai.
Teesra aaropi 18 saal se kam umar ka nabalig hai, jise police ne hirasat mein liya hai.
