Tiger Shroff Firing Case: Mumbai Se Bhaag Rahe 2 Shooters Aur 1 Minor Kota Railway Station Se Pakde Gaye

Tiger Shroff Firing Case: Mumbai Se Bhaag Rahe 2 Shooters Aur 1 Minor Kota Railway Station Se Pakde Gaye

Bollywood actor Tiger Shroff ki gaadi par Mumbai ke Juhu area mein hui firing ke mamle mein Rajasthan ki Kota Police ko badi kamyabi mili hai.

Kota City SP Tejaswani Gautam ke mutabiq, 19 October ko Kota Railway Station se firing case mein wanted 2 main aaropiyon aur 1 minor ko detain kiya gaya hai.

Pakde gaye aaropiyon ki pehchaan *18 saal ke Rehan alias Chukka, jo Haryana ke Sonipat ka rehne wala hai, aur **22 saal ke Ritik Karmi alias Roshan Fighter*, jo Bihar ka rehne wala aur filhaal Mumbai ke Andheri West mein rehta hai, ke taur par hui hai.
Aur Ek Naabalik ko arrest kiya hai

Kota Police ke mutabiq, teeno aaropi Rajasthan ke raaste videsh bhaagne ki firaaq mein the.

Kota City SP Tejaswani Gautam ki leadership mein special police team ne technical inputs aur intelligence information ke basis par Kota Railway Station par gherabandi karke teeno ko pakda.

Is operation mein Railway Colony Police, Bhimganjmandi Police, District Special Team, Cyber Cell, AGTF aur RPF Kota ki teams shamil thi.

Kota Police teeno se questioning kar rahi hai aur further legal action ke liye Mumbai Police aur concerned investigating agency ko inform kar diya gaya hai.