Mumbai Crime Branch: Fake ₹500 Notes Bechne Ke Aarop Mein ek Shakhs hua giraftar, ₹10.64 Lakh Ki Nakli Currency Zabt.

Mumbai Crime Branch: Fake ₹500 Notes Bechne Ke Aarop Mein ek Shakhs hua giraftar, ₹10.64 Lakh Ki Nakli Currency Zabt.

Mumbai Crime Branch Unit-2 ne fake ₹500 notes circulate karne aur bechne ke aarop mein 38 saal ke Danish Khan ko arrest kiya hai. Police ke mutabik, 6 September ko Metro Cinema ke paas ek mahial aur aadmi ke fake currency bechne ki information mili thi, jiske baad Crime Branch ne trap lagaya.

Mahila ke paas se 270 fake ₹500 notes mile, aur usse poochtaach ke baad police ne Kurla railway station ke paas se Danish ko pakda, jiske paas se 1,858 fake ₹500 notes recover hue.

Total 2,128 counterfeit ₹500 notes, yani ₹10.64 lakh face value ki fake currency zabt ki gayi.
Police ke mutabik, racket mein ₹1 lakh asli currency ke badle ₹2 lakh ke fake notes dene ka offer kiya ja raha tha.

Reports ke mutabik, notes relatively high-quality the aur police ko shak hai ki ye currency Maharashtra ke bahar se Mumbai laayi gayi thi. Woman ko questioning ke baad notice dekar release kiya gaya.

Is mamle mein Azad Maidan Police Station mein BNS Sections 178, 180, 61(2) aur 3(5) ke tahat FIR darj hai.

Crime Branch ab fake currency ke source, supplier aur possible wider network ki jaanch kar rahi hai.