Nayana Pujari rape & murder case me 3 doshi paye gaye, Kal sunai jayegi sazaa: Pune Sessions Court (8/5/2017)
Addl. Sessions judge L.L. Yenkar ne IPC 366 (Kidnapping of woman), 376 (2) (G) Gangrape, 397 (Robbery with intent to cause murder or grievous hurt), 302 (Murder), 404 (Misappropriation of property of deceased), 120B (Criminal conspiracy) me teeno ko doshi paaya. IPC 364 (Kidnapping), 394 (Voluntarily causing hurt in committing robbery) and 201 (Causing disappearance of evidence of crime) me prosecution charges prove nahi kar paaya.
7 October 2009 ko software engineer Nayana Pujari (28) apni office cab miss kar gayi thi. Ghar aane ke liye unhone private cab me lift liya tha. Kaafi der tak jab wo ghar nahi pahunchi, to gharwaalo ne police me complaint ki. Do din baad, Nayana ki dead body Pune se 60kms. door Zarewadi jungle mili.
Police ne 4 logo ko giraftar kiya tha. 1) Yogesh Ashok Raut (r/o Khed), Mahesh Balasaheb Thakur (r/o Khed), Vishwas Hindurao Kadam (r/o Satara) & Rajesh Pandurang Chaudhri (r/o Khed).
Jaanch me paya gaya ki inhone chalti car me Nayana ka rape kiya. Uske ATM card se Rs.61,000 jabran nikale. Aur 6 ghanto ke baad uska murder kar jungle me laash ko phek diya. Body ki shanakth na ho paye isliye chehre pe patthar se vaar kiya gaya tha.
Trial ke dauran mukhya aaropi Yogesh Raut police custody se bhaagne me safal raha. Kareeb 11 mahine baad us waqt ke Anti-Dacoity squad SPI Satish Govekar aur unki team ne, Raut ko Delhi se giraftar karke laye. Proceedings ke dauran aaropi no.4 Rajesh Chaudhri sarkaari gawah ban gaya tha.
State ki taraf se case ki pairvi Spcl. PP Harshad Nimbalkar ne ki. Defence ki taraf se rahe Advocate. B.A Aloor, Adv. Tosif Shaikh aur Adv. Sajid Shah.
(For More IMP News) like and follow on
https://m.facebook.com/gallinews/
https://twitter.com/gallinews?s=08
https://www.youtube.com/user/gallinews
