Alert Bear Baar wale : Orchestra Ke Naam Par Ashlil Dance Nahi Chalega!
Maharashtra sarkar ne orchestra bars ke naam par chal rahe illegal dance bars par lagaam lagane ke liye bada kanooni kadam uthaya hai.
Rajya Vidhan Sabha aur Vidhan Parishad ne ek amendment Bill pass kiya hai, jiske baad orchestra aur live music licences ko bhi ab Dance Bar Law ke tehat regulate kiya jayega
Ab tak Maharashtra mein hotels, restaurants aur bars mein orchestra ya live music ke liye licence Maharashtra Police Act ke tahat milta tha. Sarkar ke mutabik kai bar owners isi orchestra licence ka istemal karke dance performances chala rahe the aur 2016 ke Dance Bar Act ke sakht niyamon se bach jaate the.
Naye amendment ke baad:
Orchestra aur live music performances ko bhi Dance Bar Act ke ambit mein laya jayega.
Orchestra licence Maharashtra Police Act ke bajay 2016 ke Dance Bar Law ke hisaab se regulate hoga.
Hotels, restaurants aur bars ko ek hi legal framework follow karna hoga.
Agar orchestra licence ke naam par obscene dance ya illegal performance chalayi gayi to police seedhi karwai kar sakegi.
