Antop Hill Mein 18 Saal Ke Yuvak Ki Hatya, Police Jaanch Jaari

Antop Hill Mein 18 Saal Ke Yuvak Ki Hatya, Police Jaanch Jaari

Antop Hill area se ek hairaan kar dene wali murder ki ghatna saamne aayi hai. 18 saal ke ek yuvak ki berahmi se hatya kar di gayi. Mritak ki pehchan Tushar Sunil Ujanwal ke roop mein hui hai, jo Patel Nagar, Antop Hill ka rehne wala tha.

Aisa Bataya Jaa Raha Hai yeh ghatna shaam lagbhag 5 baje Patel Nagar area mein hui. Hamle ka exact reason abhi tak saamne nahi aaya hai aur police is maamle ki jaanch kar rahi hai.

Police ne Wadala TT Police Station mein murder ka case darj kar liya hai aur investigation shuru kar di hai. Crime scene ka inspection kiya ja raha hai aur gawahon ke bayan bhi record kiye ja rahe hain.