*“Beshak Allah jis se chahe Apne Deen ka kaam le leta hai.”*
View this post on Instagram
In dino social media par ek video viral ho raha hai.
jisme ek blind Imam Braille device ke zariye Qur’an ki tilawat karte hue namaz padha rahe hain.
Ye manzar waqai dil ko choo lene wala hai.
Ye humein yaad dilata hai ke Allah apni ibaadat kisi ke liye mushkil nahi banata, balki har insan ko jis hisaab se aasani di gayi hai, usme uske amal ki qadr ki jaati hai.
Aaj hum dekhte hain ke kuch log Allah ki ibadat me kothai karte hain — jabke Allah ne unhe har tarah ki nematon se nawaza hota hai: sehat, aankhen, haath-paon, waqt aur sukoon.
Lekin dusri taraf aise log bhi hote hain jin ke paas dekhne ki salahiyat nahi hoti, kuch ke paas chalne ke liye pair nahi hote, phir bhi wo namaz aur roze ke paband hote hain.
Ye video un sab ke liye ek sabaq hai — ke agar niyyat aur jazba ho, to koi kami Allah ke zikr aur ibadat se nahi rok sakti.
Batadein ki Is video ko Misr ke Cairo se bataya ja raha hai.
lekin ab tak kisi official Egyptian source ne is location ki tasdeeq nahi ki hai.
*Aap ko ye video kaisa laga apne comments kar k hamein zarur bataein aur aisi dilchasp khabaro k liye Galli News par bane rahe.*
