Bhiwandi Shawarma Update Food Poisoning Se Bimar Logon Ki Sankhya 107 Pahunchi, Illegal Outlet Par Chala Bulldozer
Bhiwandi mein mashhoor “Famous Shawarma” outlet se juda food poisoning ka maamla aur gambhir ho gaya hai. Bimar padne walon ki sankhya badhkar 107 ho gayi hai. Sabhi mareezon ka ilaaj Bhiwandi Sub-District Hospital mein chal raha hai aur doctors ke mutabik sabhi ki haalat filhaal stable hai.
Ghatna ke baad Bhiwandi Municipal Corporation ne outlet ke khilaaf sakht action lete hue uske illegal construction par bulldozer chala diya.
Is beech Samajwadi Party MLA Rais Shaikh ne bhi hospital ka daura kar mareezon aur unke parivaron se mulaqat ki.
