*Bhojshala–Kamal Maula Complex Par High Court Ka Bada Faisla: 40 Saal Purane Vivad Mein Bhojshala Ko Saraswati Mandir Mana Gaya.*
View this post on Instagram
*“kya Babri Ke Baad ab Kamal Maula Masjid Bhi Haath Se Nikal Gayi?” Bhojshala Faisle Par Uthe Sawaal.*
Dosto,
Madhya Pradesh High Court ki Indore Bench ne 15 May 2026 ko ek aham faisla sunate hue Dhar ke Bhojshala–Kamal Maula Complex ko Maa Saraswati ka mandir bataya h aur 2003 ka woh order radd kar diya jisme Archaeological Survey of India (ASI) ne Hinduo ko Tuesday aur Musalmano ko Friday ko namaz ki ijazat di thi.
Court ne kaha ki historical records, inscriptions aur archaeological evidence se pata chalta hai ki yah jagah asal mein ek Sanskrit learning centre aur Saraswati mandir thi.
*_Aaiye jante h ye Mamla kab shuru hua._*
History ke mutabik is jagah ko Parmar vansh ke raja Raja Bhoj ne 11vi sadi mein ek Sanskrit vidya kendra aur Maa Saraswati ke mandir ke roop mein banwaya tha.
Baad mein Muslim samudaay is jagah ko Kamal Maula Masjid ke roop mein maanta raha.
Isi wajah se kai dashkon se dono samudaayon ke beech iski religious identity ko lekar vivad chalta raha h.
_*Case ka legal timeline.*_
*1980s*: Bhojshala ko lekar legal dispute aur petitions shuru hui.
*2003*: ASI ne arrangement diya jisme Hinduo ko Tuesday ko puja aur Musalmano ko Friday ko namaz ki permission di gayi.
*March 2024*: High Court ne scientific survey ka order diya aur ASI ne lagbhag 100 din tak survey kiya.
*2024–2026*: Court mein kai baar sunvai hui aur ASI ne apni detailed report pesh ki jisme purane mandir ke architectural aur inscription evidence hone ki baat kahi gayi.
*15 May 2026*: High Court ne final judgement dete hue Bhojshala ko Saraswati mandir declare kiya aur namaz ki permission khatam kar di.
_*Court ne kaha ki:*_
* Bhojshala ek Saraswati mandir aur Sanskrit learning centre hai.
* 2003 ka ASI order cancel kiya jata hai.
* Site ka management ASI aur central government dekhegi.
* Muslim community agar chahe to Dhar mein alag jagah par masjid ke liye zameen maang sakti hai.
*_Kisne kya reaction diya._*
* Hindu paksh ne is faisle ko “historical judgement” bataya aur khushi zahir ki.
* Wahi Muslim organizations ne kaha ki woh is faisle ko Supreme Court of India mein challenge kar sakte hain.
* Kuch Muslim groups jaise Jamiat Ulema‑e‑Hind ne bhi concern jataya ki aise faisle minority rights par asar daal sakte hain.
*_Ab aage kya ho sakta hai._*
Dosto,
Legal experts ke mutabik agar Muslim side Supreme Court mein appeal karti hai to wahan is judgement par dobara sunvai ho sakti hai.
Aap ko batadein ki Tab tak law-and-order maintain karne ke liye local administration ne Dhar mein security badha di hai.
*Is khabar aur puri report par aap ki kya rai h comments kar k hamein zarur batayein aur khabaro k liye Galli news par bane rahiye.*
