Chemical Se Pakaye Ja Rahe The Kele, Navi Mumbai APMC Mein FDA Ka Action, 1,394 Kg Bananas Seized, Police Case Registered

Chemical Se Pakaye Ja Rahe The Kele, Navi Mumbai APMC Mein FDA Ka Action, 1,394 Kg Bananas Seized, Police Case Registered

Navi Mumbai ke APMC Fruit Market, Turbhe mein chemical ka use karke bananas ko artificially pakane ka mamla saamne aaya hai.

FDA ke mutabik, inspection ke dauran ek worker ko BTHILEX, Ethephon 39% SL chemical ke solution mein bananas dip karke artificially ripen karte hue paya gaya.

Seller ne bataya ki 5 litres paani mein chemical ke 2 caps mila kar solution prepare kiya gaya tha.

FDA ne action lete hue 198 kg Sundari, 498 kg Elaichi aur 698 kg Khatta Meetha bananas, total 1,394 kg bananas seize kiye, jiski approximate value ₹67,814 batayi gayi hai.

FDA ke mutabik, Ethephon solution mein fruits ko directly dip karke pakana karna strictly prohibited hai.

Is tarah pakaye gaye fruits mein chemical residues reh sakte hain, jo human health ke liye harmful ho sakte hain.

FDA ne bataya ki chemical se pakaye gaye bananas ki pehchan kuch is tarah ki ja sakti hai:

Banana bahar se uniformly yellow aur attractive dikhega, lekin andar se raw, hard ya taste mein bland ho sakta hai.

Peel par spots, blemishes ya uneven colour dikh sakta hai. Banana ka stalk green reh sakta hai, jabki baaki hissa paka hua dikhega. Chemical se pakaye gaye bananas naturally ripened bananas ke comparison mein jaldi kharab ho sakte hain.

Is mamle mein APMC Police Station, Navi Mumbai mein case register kiya gaya hai.