Cricket Match Ke Tickets Ki Black Marketing Karne Wale Ko Malad Se Arrest Kiya JJ Marg Police Station Ne
India me ho rahe ICC World Cup 2023 matches ke qualify muqable khatam ho chuke hain ab Semi-Final Matches kheli jaani hai
Mumbai ke Wankhede stadium me 15 November ko India Vs New Zealand ke beech hone wale pehle Semi Final Match ke tickets ki allegedly black Marketing karne wale ko JJ Marg Police Station ne arrest kiya
Arrested Akash Kothari North Mumbai ke Malad ka rehne wala bataya jaa raha hai
Mili jankari ke anusar Social media ke zariye message post karke aaropi Match ki Ticket ke original rate se 10 guna zyada charge karte hue sale kar raha tha
Police ne bataya ke Rs 2500 se Rs 4000 Value tak ki ticket ko lagbhag Rs 25,000 se Rs 50,000 ke range me ticket sale kar raha tha
JJ Marg Police station ne related IPC ki dhaaraon ke tehat mamla darj kar aaropi ko arrest kiya aur iss case ki investigation kar yeh pata laga rahi hai ke iss mamle me aur bhi log shamil hain ya nahi