‘Drug-Free Mumbai’ Model ab poore Maharashtra me hoga lagu.

‘Drug-Free Mumbai’ Model ab poore Maharashtra me hoga lagu.

Maharashtra sarkar ne faisla liya hai ki ‘Drug-Free Mumbai’ (Nashamukt Mumbai) model ko ab poore rajya me lagu kiya jayega.

Iski jankari Cabinet Minister Mangal Prabhat Lodha ne di. Unhone bataya ki Mumbai me shuru kiya gaya nasha-mukti abhiyan pasand aane ke baad Chief Minister Devendra Fadnavis ne ise poore Maharashtra me lagu karne ke nirdesh diye hain.

Batadein ki Is abhiyan ke tahat rajya ke school aur colleges me Nashamukti Guidance aur Counselling Committees banai jayengi. Saal bhar students, teachers, parents aur experts ke saath awareness programs aur counselling sessions chalaye jayenge, taaki yuvaon ko nasha se door rakha ja sake.

Sarkar ka kehna hai ki yeh abhiyan samaj ko nasha-mukt banane ki disha me ek bada kadam hai.