Dubai Ka Mausam Kharab, Aaj Aur Kal Heavy Rain Fall Hone Ka Khatra, Alert Jaari Logon Ko Ghar Me Rehne Ki Salah
Dubai Me Pichle Dino Jamkar Baarish Hui Thi Jiss Se Bahut Se Areas Me Paani Bhar Gaya Gha Aur Car Sadkon Par Bhare Paani Me Tairte Nazar Aarahi Thi, Airport Bandh, Flight Bandh Hogayi Thi.
Uss Heavy Rain Se Hue Nuqsan Se Abhi Sambhle Hi Thi Ke Phir Ekbaar Dubai Ka Mausam Kharab Hogaya Hai.
Beeti Raat Se Dubai Ke Kayi Ilake Me Heavy Rain Fall Hui Hai, Mausam Vibhag Ke Anusar Aaj Aur Kal Ka Din Mausam Kharab Rahega Badal Ki Garaj Aur Bijli Ki Chamak Ke Sath Heavy Rainfall Hosakti Hai.
Kuch Remote Areas Me School Ki Chutti De Di Gayi Hai Aur Logon Ko Ghar Par Hi Rehne Kaha Gaya Hai.
Logon Ki Safety Ko Dekhte Hue Public Places Bandh Kardiye Gaye Hain Aur Logon Ko Bina Kaam Ke Ghar Se Bahar Nikalne Driving Karne Mana Kiya Gaya Hai.
Kharab Mausam Ke Chalte UAE, Dubai Se Kuch Flight Service Bhi Effect Hui Hai.