HPCL Plant Se 3,000 LPG Cylinders Nadi Mein Bahe, Logon Ko Haath Na Lagane Ki Warning
Raigad mein lagataar ho rahi musaladhar baarish ke beech ek hairaan kar dene wali ghatna saamne aayi hai.
HPCL ke Patalganga LPG Bottling Plant mein flood water ghusne ke baad lagbhag 3,000 LPG cylinders Patalganga River mein beh gaye.
Inmein bhare hue aur khaali dono tarah ke cylinders shamil hain.
Aisa bataya jaa raha hai plant ki protective wall tootne ke baad flood water seedha plant mein ghus gaya aur cylinders ko apne saath baha le gaya. Viral videos mein nadi mein tairte hue hazaron cylinders dekhe ja sakte hain.
