Jameel Merchant Bhadke Indian National Flag Ki Beadbi Par, U.S. Authorities Aur Donald Trump Se Ki Karwai Ki Appeal

Jameel Merchant Bhadke Indian National Flag Ki Beadbi Par, U.S. Authorities Aur Donald Trump Se Ki Karwai Ki Appeal

Mumbai ke social activist Muhammed Jamil Merchant ne Texas, USA ke Frisco City Hall mein Bharatiya Tirange ki  beadbi ke maamle mein U.S. President Donald Trump, aur US Consulate Mumbai mai Shikayat ki

Ap ko bata de ki Frisco City Hall, Texas, USA mein Batamiz Clayton Walker dwara Bharatiya Rashtriya Dhwaj (Indian National Flag) ki Beadbi ki aur Tirange ko Phadne ka Video bhi upload kiya

Jameel Merchant ne Apni Complaint mai bataya ki Bharat ka Tiranga un laakhon logon ki qurbaniyon, hamari qaumi ekta aur Bharat Ganrajya ki azadi, shaan aur samvidhanik garima ki nishani hai.

Iska apmaan karna hamare desh ke jazbaat aur rashtriya samman par seedha hamla hai.

Yeh harkat behad apattijanak hai aur do alag-alag mulkon ke logon ke beech paraspar samman ki bhavna ke khilaaf hai.

Jameel Merchant ne Donald Trump aur US Authorities ko bataya ki Pratham drishti mein yeh ghatna Prevention of Insults to National Honour Act, 1971 ke tahat ek aparadh ki shreni mein aati hai, jo Rashtriya Dhwaj ke samman ko sunishchit karta hai aur uske apmaan par dand ka pravadhan rakhta hai.

Yadyapi yeh ghatna Bharat ke bahar hui hai, lekin rashtriya pratikon ka samman karna vishwa bhar mein sweekrit antar-rashtriya maryadaon aur United Nations Charter ki bhavna ke anuroop hai, jo sabhi rashtron ki garima aur samanta ko mahatva deta hai.

Kisi bhi rashtriya dhwaj ka apmaan rajneetik aur samajik sadbhav ko nuksan pahunchata hai aur samudaayon ke beech tanav paida kar sakta hai.

Jameel Merchant ne 3 Demand Rakhi hai

1) Clayton Walker par Kanooni Karwayi kar useh Jail mai Daala jaye

2) Future mai Aisa Koyi karne ki Himmat na kare aisa kanoon banai

3) Is Complaint par Kya Action hua is ki Jaankari unko di jaye

Jameel Merchant ne kaha ki Mujhe poora vishwas hai ki United States ke president Donald Trump  is maamle ko gambhirta se lega aur Bharat aur America ke beech lambe samay se chale aa rahe mitrata aur loktantrik moolyon ke anuroop uchit kadam uthayega

Deshbhakti Ka Dawa Karne Wale Kai Hindutva Netaon Aur Sangathanon Ki Khamoshi Ke Beech, Jameel Merchant Ki Is Complaint Ne Apne Desh Aur Tirange Ke Liye Unka Saccha Pyaar Aur Jazba Saamne La Diya.