Sarfaraz Khan Aur Prithvi Shaw IPL 2026 Auction Mein Phir Rahe Unsold
Indian Premier League (IPL) 2026 Auction ki shuruaat ke saath hi sabki nazar Mumbai ke do mashhoor cricketers Sarfaraz Khan aur Prithvi Shaw par thi. Lekin ek baar phir dono players auction mein unsold reh gaye
Sarfaraz Khan ko first set mein ₹75 lakh ke base price par rakha gaya tha. Syed Mushtaq Ali Trophy 2025 mein zabardast performance dene ke bawajood un par kisi bhi IPL franchise ne bid nahi lagayi.
Auction se kuch hi ghante pehle Sarfaraz ne Mumbai vs Rajasthan match mein sirf 22 balls par 73 runs thok diye the. Half-century ke baad unhone pitch par push-ups karke apni fitness aur confidence bhi dikhaya. Phir bhi franchises ne unhe ignore kar diya.
Wahi Prithvi Shaw bhi ₹75 lakh ke base price ke saath first set mein aaye, lekin un par bhi kisi team ne interest nahi dikhaya. Prithvi Shaw lagataar doosre season IPL auction mein unsold rahe hain
Auction ke sabse bade deals mein Australian all-rounder Cameron Green ko Kolkata Knight Riders ne ₹25.2 crore mein kharida. Iske alawa KKR ne Sri Lankan fast bowler Matheesha Pathirana ko ₹18 crore mein apni team mein shamil kiya.
