K. Rustom Ice Cream Parlour Ka Licence Suspend, FDA Inspection Mein Mile Rats, Flies Aur Expired Food
Mumbai ke mashhoor K. Rustom & Co. Ice Cream Parlour, Churchgate ka Food Business Licence Maharashtra FDA ne suspend kar diya hai. Surprise inspection ke dauran outlet mein kai gambhir hygiene aur food safety violations paaye gaye
FDA ke mutabik inspection ke dauran live rats, houseflies, expired flavouring agents, expired food products, cold chain maintenance mein lapses aur mandatory records ki kami paayi gayi. Iske baad Food Safety and Standards Act, 2006 ke tahat licence suspend kar diya gaya aur outlet ko sample reports aane tak band rakhne ke nirdesh diye gaye hain
