“Kaan Pakad Kar Maafi… Kalyan College Namaz Case Ne Badha Di Tanaav Bhari Politics.”
“Kaan Pakad Kar Maafi… Kalyan College Namaz Case Ne Badha Di Tanaav Bhari Politics.”
View this post on Instagram
Mumbai ke paas Kalyan ke Ideal College ka ek video saamne aaya jisme Pharmacy Department ke kuch students ne empty classroom me hi namaz padh li. Video viral hote hi VHP aur Bajrang Dal ke log turant college pahunch gaye aur administration se strong objection register kiya. Police ko bhi situation ko control karne ke liye bulaya gaya.
College administration ne clear kiya ki campus me kisi bhi tarah ki religious activity allowed nahi hoti, aur educational environment me discipline aur institutional rules ka follow hona zaruri hai. College ne yeh bhi kaha ki students ne sirf kuch minute ki namaz padhi thi, jise kisi ne record karke online daal diya. Baad me namaz padhne wale students ne maafi maang li aur bola ki unka kisi ka dil dukhane ka ya koi issue create karne ka intention nahi tha.
Ab dosto,
Maafi maangne ka jo video viral ho raha hai, usse dekh kar yeh lagta hai ki students ko kaafi pressure me laaya gaya ho. Jis tarah se woh kaan pakad kar maafi maang rahe the, usse andaza hota hai ki unhe pehle acchi-khasi daant, warning ya dhamki mili hogi.
Aaj ke mahaul me, jab Musalmano ki ek choti si galti ko bhi turant political issue bana diya jata hai, yeh samajhna zaruri hai ki campus ya kisi public place par religious practice na ki jaye. Kyunki aise maukon ka kuch log fayda uthate hain aur choti baat ko bada mudda bana dete hain.
College administration ne Hindu sangathanon ko bhi assure kiya hai ki future me monitoring aur strict hogi, aur aisi koi bhi activity dobara hoti dikhi to turant action liya jayega. Isme involved students par bhi necessary disciplinary step liya jayega.
