*Khana-e-Kaaba ka Salana Ghusl Ada Kiya Gaya, Zamzam aur Rose Water se Androoni Hissa Dhoya Gaya.
Makkah Mukarramah mein 30 June 2026 (15 Muharram 1448 Hijri) ko Fajr ki namaz ke baad Khana-e-Kaaba ka salana ghusl ada kiya gaya.
Ye Islami riwayat ki sabse purani aur muqaddas rasmon mein se ek hai. Saudi Badshah King Salman ki taraf se Makkah ke Deputy Governor Prince Saud bin Mishaal ne is taqreeb ki qiyadat ki.
Kaaba Shareef ke andar ki deewaron, farsh aur sutoon ko Aab-e-Zamzam, Taif ke gulab ke arq (Rose Water) aur behtareen Oud ki khushboo ke mix se dhoya gaya. Iske baad andarooni hisson ko khushboo se muattar kiya gaya.
Taqreeb mein Saudi hukoomat ke senior ohdedaar, ulama, Islami mumalik ke ambassadors aur Kaaba ke trusteesbhi maujood the.
Saudi Press Agency (SPA) ke mutabiq, ye salana taqreeb Khana-e-Kaaba ki hurmat aur Saudi Arab ki Haramain Shareefain ki khidmat ke liye musalsal koshishon ki nishani hai.
Aap ko batadein ki,
Khana-e-Kaaba ke ghusl ki riwayat sadiyon purani hai. Abbasi aur Usmani daur se ise baqaidah anjaam diya ja raha hai. Aaj Saudi Arab har saal Muharram mein Aab-e-Zamzam, Rose Water aur Oud se Kaaba ka salana ghusl karwata hai, jo uski takreem aur dekhbhal ki riwayat ka hissa hai.
*Aap apne comments hamein zarur kijiye aur khabaro k liye Galli news par bane rahiye.*
