Walkeshwar Mein Balcony Girne Se 51 Saal Ke Shaks Ki Maut
Mumbai mein pichhle do din se ho rahi lagataar baarish ke beech South Mumbai ke Walkeshwar area mein ek dardnaak haadsa saamne aaya hai. Der raat ek MHADA cessed building ki balcony ka hissa girne se 51 saal ke Santosh Ramchandra Bharaskar ki maut ho gayi.
Yeh haadsa Babulnath Road par sthit Surya Prakash Building mein raat mein hua. Ground plus 3-storey building ki teesri manzil ki balcony ka ek hissa achanak gir gaya Tha
Ghatna ki jaankari milte hi Mumbai Fire Brigade, Police, BEST staff, BMC officials aur 108 ambulance team mauke par pahunchi aur rescue operation shuru kiya.
Zakhmi vyakti ko turant hospital le jaya gaya, lekin JJ Hospital ke doctors ne Santosh Bharaskar ko brought dead declare kar diya.
