Kurla Ki School Par FIR, Sarkari Manzoori Ke Bina Chala Rahi Thi Classes Aur Admissions
Kurla Ki School Par FIR, Sarkari Manzoori Ke Bina Chala Rahi Thi Classes Aur Admissions
Kurla ki Dr. JN Barua English School ke principal aur management ke khilaf Vinoba Bhave Nagar Police ne FIR darj ki hai. Aarop hai ki school sarkari manzoori (government recognition) ke bina hi classes chala raha tha aur naye students ke admissions le raha tha.
Aisa Bataya Jaa Raha Hai 1 April ko hui inspection ke dauran school ki headmistress ne maana tha ki school ke paas zaroori sarkari approval nahi hai. Iske bawajood school mein padhai aur admissions jaari rakhe gaye.
Education Department ne pehle school ko notice dekar 2026-27 academic year ke liye admissions rokne aur students ko kisi maanyata prapt school mein transfer karne ke nirdesh diye the. Lekin aarop hai ki school ne in nirdeshon ko nazarandaaz kar diya.
Wahin school ke lawyer, Advocate Adil Khatri ne kaha hai ki FIR mein lagayi gayi dharayein kanooni roop se tikne wali nahi hain. Unhone kaha ki school court ka darwaza khatkhatayega aur students ki padhai aur Future ko sabse zyada Priority di jayegi. School phir se start hogi , proper compliance ke saath.
