*Maharashtra Govt ne Airport ke paas Namaz ki ijazat se kiya inkaar, Bombay High Court ne alternate jagah dhoondhne ko kaha.*
*Maharashtra Govt ne Airport ke paas Namaz ki ijazat se kiya inkaar, Bombay High Court ne alternate jagah dhoondhne ko kaha.*
Maharashtra Government ne Bombay High Court ko bataya ki Chhatrapati Shivaji Maharaj International Airport (CSMIA) ke Domestic Terminal ke paas Muslim auto-rickshaw, taxi aur Ola-Uber drivers ko temporary shed me Namaz padhne ki ijazat dena security reasons ki wajah se mumkin nahi hai.
Yeh jagah Gate No. 9 ke kareeb hai, jo VIP entry/exit point maana jata hai, aur State ke mutabik wahan pehle se hi threat perception rehta hai.
Government ne Court ko bataya ki petitioners ke hisaab se roz 1500 se 2000 log 5 waqt ki Namaz ke liye jama ho sakte hain, jisse airport aur VIP security manage karna mushkil ho sakta hai.
Aap ko batadein ki Yeh petition Auto-Taxi, Ola-Uber Men’s Union ne file ki thi. Union ka kehna hai ki 1995 se airport ke periphery me ek temporary shed tha jahan Muslim drivers aur kuch hotel staff regular Namaz ada karte the.
Lekin 5 April 2025 ko Mumbai Metropolitan Region Development Authority (MMRDA) ne ise illegal construction batakar demolish kar diya.
MMRDA ka kehna hai ki unhone complaints milne ke baad action liya.
Airport operator Adani Airport Holdings ki taraf se Court ko bataya gaya ki site ke paas teen functional masjid maujood hain — ek lagbhag 1 km (13 minute walking), doosri 1.3 km (18 minute walking), aur teesri 3–4 km door hai — jahan drivers Namaz ke liye ja sakte hain.
Court ne saaf kaha ki yeh koi adversarial matter nahi hai aur security compromise nahi ki jayegi. Lekin Bench ne State aur MMRDA se kaha ki agar possible ho to Ramadan ke dauran aas-paas koi alternate jagah identify karein jahan security issue na ho aur drivers aur passengers Namaz ada kar saken.
Ab dosto,
Matter ko 5 March tak ke liye adjourn kiya gaya hai taaki authorities security review karke suitable arrangement par faisla le saken.
*Aap apne comments hamein zarur kijiye aur more updates k liye Galli news par bane rahiye.*
