Minority Samaj Ke Liye Bada Kadam: Maulana Azad Mahamandal Ke Director Altaf Pavekar Ne Dy CM Sunetra Pawar Se Ki Mulaqat

Minority Samaj Ke Liye Bada Kadam: Maulana Azad Mahamandal Ke Director Altaf Pavekar Ne Dy CM Sunetra Pawar Se Ki Mulaqat

Mumbai: Minority samaj ke aarthik aur samajik vikas ko aage badhane ke liye ek badi meeting hui. Maulana Azad Alpasankhyak Aarthik Vikas Mahamandal ke Director aur Shiv Sena Vibhag Pramukh Altaf Pavekar ne Maharashtra ki Deputy Chief Minister aur Minority Development Minister Sunetra Pawar se milkar samaj se jude zaroori muddon par detail me baat ki.
Is meeting ke dauran minority samaj ki bhalai ke liye kuch zaroori maangein samne rakhi gayin:

Education Loan Ki Limit: Students ke liye padhai ke loan ki limit badhane par baat hui, taaki unki aage ki padhai me koi pareshani na aaye.
Commercial Vehicle Loan Scheme: Rozgar badhane ke liye business aur commercial vehicles par aasan loan uplabdh karwaya jaye.

Mahila Bachat Gat: Aurton ko aarthik roop se majboot banane ke liye mahila bachat gat (self-help groups) ko aasan loan ki suvidha di jaye.
Deputy Chief Minister Sunetra Pawar ne in sabhi maangon par positive response diya. Unhone bharosa dilaya ki minority samaj ke vikas ke liye in sabhi yojnaon ko achhe se lagu kiya jayega aur iske liye sambandhit officers ko turant zaroori orders diye jayenge.
Is mauke par Maulana Azad Mahamandal ke Co-Director Salim Sarang aur Asghar Mukadam bhi maujood the.