Mufti Salman Azhari ka Baroda Central Jail se apne followers aur Ulama ke liye message, dhyan se sunna zara
Mufti Salman Azhari filhal Gujrat me Baroda ke Central Jail main hain jahan se apne followers, Ulama aur qaum ke liye message bheja hai jo yeh hai
Tamam Ahbab Ko Faqeer-e-Qadri Salman Azhari Ki taraf se Ramzan Al-Mubarak ki barkaten Rahmaten Khoob Khoob mubarak ho ummeed hai ki aap sab Khair o aafiyat se honge. Mai Allah Ke fazlo karam aur us ke Habeeb ki inayat se theek hun, jail me zaroor hun lekin rab ki rahmat Saath hai.. Roze, Taraveeh, Tilawat, Tafseer sab apne mamool par hai.
Zaroori paigham ye hai ki mai gujarat ki 4 jailon me ab tak ja chuka aur andar qaid me aksar musalman naujawan nashe ki mu’amlat me hi andar hai.
Kuch ko 10 saal ki toh kuch ko 20 saal ki saza padhi hui hai. Dek kar dil bohat dukta hai mai sab naujawano se guzarish karta hu ki apni life ko apne hathon barbaad na kare. Ek hi zindagi mili hai aur iss tarah barbaad karne ke liye nahi hai.
“Zindagi ye nahi kisi ki kisi ke liye”
“Zindagi hai Nabi ki Nabi ke liye”
Aur Jumla naujawan aur Ulma E Ahle sunnat se guzarish karta hu ki meri giraftari ko dekh kar koi na ghabray aur na hi mayoos ho, Haq bolte rahe aur haq par qayam rahe. Islam aur Bani e Islam Rasool E Pakki izzat aur haqqaniyat se badh kar humari jaan bhi nahi. Apne Mulk hindustan se hume bepanah mohabbat hai lekin wafadari saboot karne ke liye kisi ki chaploosi karne ki zaroorat nahi. Waqt aa padhe toh iss mulk ke liye humari jaan bhi haazir hai.
Unn tamam Mashaykh, Ulma aur Peerane izam aur Masajid ke Ayimma, jumla muslimeen ka mai shukar guzar hun jinhone mere liye bohat dua ki hain. Allah Tala sab ki qabool farmaye aur sab ko apni shan ke mutabiq ajr ata farmaye. Jab tak Allah ki bargah me mere liye Qaid ki likhi hui hai saari duniya milkar mujhe bahar nahi nikaal sakti aur jis din bahar nikalna likha ho koi deewar aur darwaza muje rok na sakega InshaAllah Sab se khusoosi dua ki guzarish ki Allah tala muje sabr-o-isteqamat ata farmaye. Ameen.
