Mumbai Airport Par ₹2.26 Crore Ka Sona Zabt, Speaker Aur Electric Iron Mein Chhupaya Tha Gold; 2 Passengers Arrest.
Mumbai ke Chhatrapati Shivaji Maharaj International Airport par Customs Department ki Air Intelligence Unit (AIU) ne 16 aur 17 November ki darmiyani raat chaar alag-alag cases mein 1.910 kilogram sona zabt kiya, jiski keemat lagbhag ₹2.26 crore batayi gayi hai.
Officials ke mutabiq, 24-carat gold bars aur cut pieces ko wireless Bluetooth speaker aur electric iron ke andar chhupaya gaya tha.
Iske alawa 22-carat ke kacche sone ke jewellery items bhi baramad hue. PTI ki report ke mutabiq, toy scooter ke wheels aur belt buckle mein bhi sona chhupaya gaya tha.
Is karwai mein do passengers ko Customs Act, 1962 ke tahat arrest kiya gaya hai. Filhaal Customs Department sone ke source aur iski smuggling se jude logon ke baare mein further investigation kar raha hai.