Mumbai Ke Pydhonie Case Ke Baad Phir Watermelon ka case Chhattisgarh Mein 15 Saal Ke Ladke Ki Maut, 3 Bacche Hospitalised
View this post on Instagram
Chhattisgarh ke Janjgir-Champa district se ek aur shocking incident saamne aaya hai, jahan Aisa Bataya Jaa Raha Hai watermelon khane ke baad 15 saal ke ek ladke ki maut ho gayi, jabki teen bacchon ki tabiyat bigadne par unhe hospital mein admit karaya gaya.
Jiski Death Huwi Uska Naam Akhilesh Dhivar (15) hai, jabki beemar hue bacchon mein Shri Dhivar (4), Pintu Dhivar (12) aur Hitesh Dhivar (13) shaamil hai
Bataya ja raha hai ki Sunday shaam ko bachchon ne kata hua tarbooz khaya tha. Kuch ghanto baad Akhilesh ko vomiting, diarrhoea aur saans lene mein dikkat hone lagi. Dheere-dheere baaki teen bachchon mein bhi similar symptoms dekhne ko mile.
Filhaal police aur food safety department mamle ki jaanch mein jute hue hain. Watermelon samples laboratory testing ke liye bheje gaye hain, jabki Akhilesh ke body ka post-mortem bhi karaya ja raha hai. Authorities ka kehna hai ki exact cause reports aane ke baad hi clear ho payega.
Yeh incident Mumbai ke Pydhonie area mein pichhle mahine hue Dokadia family tragedy ke baad saamne aaya hai, jahan ek hi parivaar ke chaar logon ki maut ne desh bhar mein chinta badha di thi
