Palestine Action Ki Himayat Par Sally Rooney Ki Kitabon Ki UK Mein Supply Band, Bikri Mein 291% Izafa.
Irish writer Sally Rooney ki kitabon ki UK mein supply band hone ke baad unki bikri mein 291% izafa hua.
The Guardian ki report ke mutabik, ek hafte mein unki 4,531 kitabein biki. Rooney ki mashhoor kitabon mein Normal People aur Conversations with Friends shamil hain, jinmein mohabbat, rishton aur zindagi ke masail ko bayan kiya gaya hai.
Sally Rooney ne Palestine Action ki himayat ki thi aur is group ko apni kitabon ki royalty dene ka irada zahir kiya tha.
UK mein Palestine Action par pabandi ke baad publisher Faber ne unki kitabon ki UK mein supply band kar di. Pehle se dukaanon mein maujood kitabein bechi ja sakti thi, lekin naya stock mangwana band ho gaya.
Iske bawajood, Palestine ke haq mein awaaz uthane wali Sally Rooney ki kitabon ki demand badh gayi aur ek hafte mein 4,531 copies bik gayin.
