Saudi Arabia ne launch kiya 1 saal ka Multiple-Entry Umrah Visa, 365 din validity ke saath 90 din tak stay ki ijazat.

Saudi Arabia ne launch kiya 1 saal ka Multiple-Entry Umrah Visa, 365 din validity ke saath 90 din tak stay ki ijazat.

Saudi Arabia ke Ministry of Hajj and Umrah ne Umrah zaireen ke liye ek naya Multiple-Entry Umrah Visa launch kiya hai. Is naye visa ki validity 365 din (1 saal) hogi aur visa holder ek saal ke andar kai baar Saudi Arabia ja sakenge.

Is dauran kul mila kar 90 din tak stay karne ki ijazat hogi. Saudi hukumat ka kehna hai ki is qadam ka maqsad Umrah safar ko aur aasaan banana aur duniya bhar ke zaireen ko zyada flexibility dena hai.

Naye rules ke mutabik har Umrah trip se pehle Nusuk App ke zariye Umrah permit aur zaroori package hasil karna laazmi hoga.

Ye visa sirf Umrah ke liye hai aur Hajj season ke dauran valid nahi hoga, isliye is visa ka istemal Hajj ke liye nahi kiya ja sakta.

Dosto aap ko batadein ki,
Saudi Arabia ne bataya h ki ye initiative Vision 2030 ka hissa hai, jiska maqsad zaireen ko behtar digital services dena, safar ko aasaan banana aur har saal zyada se zyada Umrah pilgrims ko sahulat dena hai.