Sunni Dawate Islami Ke Ijtema Ke Aakhri Din Ki Gai Talqeen, Quran Samajhkar Padhne Kaha Gaya
Har sal ki tarah Is saal bhi Sunni Dawate Islami ka ehtamam purzor tarike se Mumbai ke Azad Maidan Mein Anjam Paya.
PRESS LINK FOR VIDEO
ye Ijtima1,2 aur 3 December ko rakha Gaya jismein 1 December auraton ke liye jab k 2 aur 3 December mard hazraat Ke Liye ijtema Kiya Gaya
Har sal ki tarah is Sal Bhi hajaron ki tadaad mein Logon ki shirqat Hui jismein khawateen bhi pesh pesh Rahi is Saal ijtema Mein Khas baat yah Rahi ke Maulana kamruzzama Khan Azmi Ne London Se video conferencing ke zarie Khitab Kiya Aur hazreen ko aur Tamam Musalmano ko khaas talqeen ki.
Unhone kaha ki “Musalmano ki pasmandagi ka buniyadi sabab talim se Duri Hai.Quran ki pehli wahi “Iqra” ke Asal Paigam Ko hum n Bhula Diya Hai. Quran muqaddas ko Samajh Kar padhne Se Hi Ham Sab Ko tarqqi Milegi unhone Mazid kaha ke Quran Ham Sab sirf padhte Aur padhaate Hain jabki Hamein Samajh Kar padhne aur Samjha kar padhaane ka kaam karna chahiye.Quran mukaddas ko samajhkar padhna Puri ummat ki jarurat hai Quran musalmano Ki buniyadi majhabi Kitab Hai lihaza ise Samajh Kar padhe Varna Ham Yunhi bhatakte Rahenge. unhone talqeen karte hue Ek taarikhi jumala Kaha ke Yad rakhiye Ham Duniya Mein Usi Waqt Tak Faateh the jab tak Ham Ilm ke Maidan mein Faateh rahe lekin Jaise hi Humne Ilm ki na qadri ki aur ilm hasil karna Chhoda Ilm se Duri Ki to tarqqi aur kamyabi ne bhi Hamen Chhod Diya.”
Maujuda Surate Haal Mein naujawan Jis Tarah social media aur mobile ka Gair zaruri istemal kar raha hai aur Jis Tarah Khud Ko Nashe Mein Barbad kar raha hai ise Dekhte Hue Amir Sunni Dawate Islami Ne naujawano ko nasihat karte hue kaha ke aaj ka nojaan kamyabi ke in Panch nasihaton ko apni Jindagi Mein Shamil Karen pehla Halal Rozi kamayein, dusra Waqt ki Kadar Karen, Teesra ghaflat na bartein chautha Taal matol ravaiye ko tark Karein aur paanchva fazul kamo aur social media ka ger zaruri istemal aur apne Waqt Ko Zaaye karne se bachein.
Ijtema k aakhir mein purjor Dua Hui Maulana shaakir Ali Nuri ki salamati Aur Duniya w aakhirat Ki bhalai Ki riqqat aamez Dua ki gai aur Iske saath saath ainda sal ke liye ijtema 22 23 aur 24 November 2024 ka bhi Elaan kar diya Gaya.
Is tarah ki mazeed malumat k lie galli news s jude rahe.